“O‘zgidromet” xabariga ko‘ra, O‘zbekistonda sovuq antisiklon davom etishi sabab havo ifloslanishini kuchaytirgan harorat inversiyasi kutilganidan uzoqroq davom etadi. Prognozlarga ko‘ra, O‘zbekiston hududi bo‘ylab sovuq antisiklon ta’siri 5-dekabrga qadar saqlanib turadi.

29-noyabrdan boshlab sovuq antisiklon ta’siri yanada kuchayishi kutilmoqda, bu esa atmosfera bosimining ko‘tarilishiga va havo haroratining pasayishiga olib keladi, ya’ni kechalari sovuq, kunduzi kuchsiz iliq kuzatiladi. Sovuq antisiklonga xos bo‘lgan ertalabki tuman bo‘lishi mumkin.

“O‘zgidromet” avvalroq inversiya 29-noyabrgacha davom etishi haqida xabar bergan edi. Biroq, sinoptik tahlillar shuni ko‘rsatmoqdaki, sovuq antisiklon davom etishi fonida inversiya hodisalari kutilganidan uzoqroq davom etadi.

Uzoq muddatli inversiya chang, tutun va mayda zarrachalar (PM) konsentratsiyasining oshishiga, shuningdek, quyuq tuman hodisalari sodir bo‘lishiga olib kelishi mumkin.

• Ifloslanish
• Ob-havo
• sovuq