$
12305.80 UZS
-51.29
152.56 UZS
-0.93
14389.17 UZS
58.65
37° Kechasi 22°

O‘zbekistonning davlat qarzi qancha ekani ochiqlandi

14:49 / 17.08.2023

O‘zbekistonning davlat qarzi qoldig‘i 2023-yil 1-yanvar holatiga 29,2 mlrd AQSh dollarni (shundan, davlat tashqi qarzi – 25,9 mlrd AQSh dollari, davlat ichki qarzi – 3,3 mlrd AQSh dollari) yoki yalpi ichki mahsulotga (YIM) nisbatan 36,4 foizni tashkil etdi. Bu haqida Iqtisodiyot va moliya vazirligi tomonidan e’lon qilingan sharhda ma’lum qilindi.

“Xususan, davlat qarzining YIMga nisbati 2021-yil boshida 39,0 foizdan (2021-yil yakunida – 38,0 foiz) 2022-yil yakuniga qadar 36,4 foizgacha pasaydi”, — deyiladi sharhda. 

Xalqaro valyuta jamg‘armasining mamlakatlar iqtisodiyotiga bag‘ishlangan hisobotiga ko‘ra, O‘zbekiston Respublikasining davlat qarzi bugungi kunda “mo‘tadil” darajada hisoblanadi.

Quyida davlatning tashqi va ichki qarzlari miqdori keltirilgan (o‘lchov birligi mlrd AQSh dollari ekvivalentida):

Davlat tashqi qarzi — 25,9

  • YIMga nisbatan foizda — 32,25
  • O‘zbekiston Respublikasi nomidan jalb qilingan tashqi qarz qoldig‘i — 19,8
  • Davlat kafolati ostida jalb qilingan tashqi qarz qoldig‘i — 6,1

Davlat ichki qarzi — 3,3

  • YIMga nisbatan foizda — 4,1
  • O‘zbekiston Respublikasi nomidan chiqarilgan davlat qimmatli qog‘ozlari bo‘yicha qarz qoldig‘i (trln so‘mda) — 13,0
  • Davlat kafolati ostida jalb qilingan, davlat budjetidan qaytariladigan ichki qarz qoldig‘i — 2,16

Davlat qarzi, jami — 29,2

  • YIMga nisbatan foizda — 36,4 foiz

Davlat ichki qarzi qoldig‘i tarkibida davlat qimmatli qog‘ozlari, davlat tomonidan kafolatlangan ichki qarz hamda davlat budjetidan qaytariladigan ichki majburiyatlar qoldig‘i aks ettirilgan.

Davlat qarzini makroiqtisodiy barqaror darajada saqlash va uni samarali boshqarish yuzasidan amalga oshirilayotgan choralar hamda milliy valyuta almashuv kursining barqarorligi sharoitlarida respublika iqtisodiyotining yuqori sur’atlar bilan o‘sishining ta’minlanishi natijasida 2021-yildan boshlab davlat qarzining YIMga nisbati barqarorlashishi kuzatilmoqda.

Skrinshot: Iqtisodiyot va moliya vazirligi

Xususan, davlat qarzining YIMga nisbati 2022-yil boshida 38,0 foizdan 2023-yilning 1-yanvar holatiga 36,4 foizgacha pasaydi.

Davlat qarzi 2022-yil davomida 2,9 mlrd dollarga oshgan bo‘lsa-da, AQSh dollari hisobida yalpi ichki mahsulot tez suratlarda, ya’ni 11,1 mlrd dollarga o‘sganligi tufayli davlat qarzining YIMga nisbati pasaygan.

So‘nggi yillarda davlat qarzini mo‘tadil darajada saqlash va samarali boshqarish yuzasidan amalga oshirilayotgan choralar hozirda o‘z samarasini bermoqda.

Xususan:

• 2020-yildan boshlab yangi jalb qilinadigan davlat tashqi qarzi miqdorlarini qonuniy chegaralash amaliyoti yo‘lga qo‘yildi.

Shundan:

  • O‘zbekiston Respublikasining “2020-yil uchun O‘zbekiston Respublikasining Davlat budjeti to‘g‘risida”gi qonuni bilan 2020-yil davomida O‘zbekiston Respublikasi nomidan yoki O‘zbekiston Respublikasi kafolati ostida tashqi qarzni jalb etish bo‘yicha imzolanadigan yangi shartnomalarning chegaralangan hajmi 5,5 mlrd AQSh dollari miqdorida belgilandi.

2020-yilning yakuniga ko‘ra, imzolangan yangi davlat tashqi qarz bitimlarining hajmi 5,35 mlrd AQSh dollarni tashkil etdi.

2021-yildan boshlab, davlat qarzining xavfsiz darajasini hamda yangi jalb qilinadigan davlat ichki va tashqi qarz bitimlariga nisbatan ham chegaralarini qonun darajasida belgilash yo‘lga qo‘yildi.


Bu ham qiziq

Rossiya va Ukraina o‘zaro asirlar almashdi

Rossiya va Ukraina o‘zaro asirlar almashdi

Rossiya va Ukraina o‘rtasida 24-avgust kuni har bir tarafdan 146 nafar mahbus almashildi. Bu haqda The Moscow Times xabar be…
10:55 / 25.08.2025
Shavkat Mirziyoyev Samarqandga tashrifini Imom Buxoriy maqbarasini ziyorat qilishdan boshladi

Shavkat Mirziyoyev Samarqandga tashrifini Imom Buxoriy maqbarasini ziyorat qilishdan boshladi

Davlat rahbari bu yerdagi bunyodkorlik ishlarini ko‘zdan kechirdi
18:41 / 25.08.2025
“Janubiy Surxon” suv ombori hududida ekoturizm maskani quriladi

“Janubiy Surxon” suv ombori hududida ekoturizm maskani quriladi

Majmua uchun 15,7 gektar maydon ajratildi.
12:35 / 25.08.2025
Iordaniya podshohi Samarqandga keldi

Iordaniya podshohi Samarqandga keldi

Tashrifning asosiy tadbirlari ertaga bo‘lib o‘tadi
19:32 / 25.08.2025
AQSh vizasi uchun yangi talablar belgilanmoqda

AQSh vizasi uchun yangi talablar belgilanmoqda

AQSh davlat departamenti: “Agar siz Amerikani yomon ko‘rsangiz, Amerikada yashashga urinmang”.
12:49 / 25.08.2025
Barcha tadbirkorlarga mehmonxona qurish uchun 7 yil muddatgacha kreditlar ajratiladi

Barcha tadbirkorlarga mehmonxona qurish uchun 7 yil muddatgacha kreditlar ajratiladi

“O‘zbekiston Respublikasi Prezidentining tadbirkorlar bilan V ochiq muloqotida belgilangan vazifalarni amalga oshirish chora…
09:53 / 25.08.2025
Endilikda futbol o‘yinlariga chiptalar faqat onlayn sotuvga chiqariladi

Endilikda futbol o‘yinlariga chiptalar faqat onlayn sotuvga chiqariladi

Bu haqda Prezidentning tegishli qarori qabul qilindi
22:44 / 25.08.2025
Iordaniya Podshohi Shavkat Mirziyoyev hamrohligida Samarqandning tarixiy obidalari bilan tanishdi

Iordaniya Podshohi Shavkat Mirziyoyev hamrohligida Samarqandning tarixiy obidalari bilan tanishdi

Davlat rahbarlari avval Shohi Zinda majmuasiga tashrif buyurdilar
20:53 / 25.08.2025
O‘zbekiston va Germaniya o‘rtasidagi savdo aloqalari yildan-yilga ortib bormoqda

O‘zbekiston va Germaniya o‘rtasidagi savdo aloqalari yildan-yilga ortib bormoqda

Birgina joriy yilning o‘tgan 6 oyi mobaynida savdo aylanmasi 30 foizga oshdi
19:35 / 24.08.2025
Raqobat qo‘mitasi davlat xaridlarida 4.3 milliard so‘mlik qonunbuzarliklarni aniqladi

Raqobat qo‘mitasi davlat xaridlarida 4.3 milliard so‘mlik qonunbuzarliklarni aniqladi

Hozirda holatlar yuzasidan tegishli choralar ko‘rilgan
22:12 / 25.08.2025

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!