Madaniy meros agentligi “Milliy tiklanish” demokratik partiyasi raisi Alisher Qodirovning agentlik faoliyati, ayrim madaniy meros obyektlarining holati va ularga davlat tomonidan ko‘rsatilayotgan munosabat yuzasidan bildirgan bayonotlariga munosabat bildirdi.

Agentlik bayonotida tanqid va savollardan qochmasligi, biroq jamoatchilik muhokamalarida bildirilayotgan fikrlar fakt va hujjatlar asosida tekshirilishi kerakligi ta’kidlangan.

“Tanqid fakt bilan, da’vo esa hujjat bilan tekshirilishi kerak”, — deyiladi munosabatda.

Agentlik shaxsiy munosabat bildirish o‘rniga Qodirov tomonidan ko‘tarilgan har bir masala yuzasidan aniq raqamlar, tegishli qarorlar va amalga oshirilgan ishlar haqida ma’lumot taqdim etganini ma’lum qildi.

Agentlikning batafsil munosabati hukumat portalida e’lon qilindi.