Kecha, 26-iyul kuni Parijda XXXIII yozgi Olimpiya o‘yinlarining tantanali ochilish marosimi bo‘lib o‘tdi. Tarixda birinchi marta u stadionda emas, balki suvda - Sena daryosida o‘tkazildi. An’anaviy milliy qayiq paradida 206 davlatdan 10 mingdan ortiq sportchi ishtirok etdi.

An’anaga ko‘ra, birinchi bo‘lib o‘yinlar asoschisi - Gretsiya jamoasi suzib o‘tdi. Uning ortidan - qochqinlar jamoasi. Keyin delegatsiyalar alifbo tartibida paydo bo‘ldi. Qayiqlar marshruti taxminan 6 km bo‘ldi va yakuniy shou Trokadero maydonida bo‘lib o‘tdi.

Olimpiada mash’alasini dzyudochi Teddi Riner va yengil atletikachi Mari-Joze Perek yoqdi – mash’ala bilan shar Fransiya poytaxti osmoniga ko‘tarildi. Bu 1783-yil voqealariga ishora - o‘sha paytda fransuzlar Jozef-Mishel va Jak-Etenn Mongolfe tomonidan ixtiro qilingan havo sharida birinchi parvoz sodir bo‘lgan.

Tashkilotchilarga ko‘ra, ochilish marosimini 320 mingga yaqin kishi, jumladan, 100 ga yaqin davlat va hukumat rahbarlari tomosha qilgan. To‘rt soatga yaqin davom etgan shouda 3000 ga yaqin aktyor va raqqoslar ishtirok etdi.

Shuningdek, Sena daryosidan bir guruh sportchilarimiz va O‘zbekiston delegatsiyasi bayroqdorlari Abdumalik Xalokov va Zaynab Dayibekova yurtimiz bayrog‘ini mag‘rur hilpiratib o‘tishdi.

• Delegatsiya
• Fransiya
• Olimpiada
• Parij
• Sport