JCH-2026 mezbonlari muvaffaqiyatli ishtirokini davom ettirmoqda. AQSH terma jamoasi Bosniya va Hersegovina ustidan 2:0 hisobida g‘alaba qozonib, nimchorakfinal yo‘llanmasini qo‘lga kiritdi. Santa-Klarada bo‘lib o‘tgan bahsda amerikaliklar o‘yin davomida tashabbusni o‘z qo‘lida ushlab turdi.

Birinchi bo‘limga qo‘shib berilgan daqiqalarda Folarin Balogan hisobni ochgan bo‘lsa, 82-daqiqada Malik Tillman mezbonlarning ustunligini mustahkamladi. Uchrashuvning 64-daqiqasida Balogan qizil kartochka olib maydonni tark etganiga qaramay, AQSH bir kishi kam bo‘lib ham g‘alabani saqlab qoldi va keyingi bosqich yo‘llanmasini qo‘lga kiritdi. Mazkur natijadan so‘ng AQSH nimchorakfinalda Belgiya bilan bahs olib boradi.

Shu tariqa, mundialning uchala mezboni — AQSH, Meksika va Kanada pley-offning keyingi bosqichiga chiqib, chempionlik uchun kurashni davom ettirmoqda. JCH-2026. 1/16 final AQSH — Bosniya va Hersegovina 2:0 Gollar: Balogan (45), Tillman (82). Qizil kartochka: Balogan (64).