Joriy yilning 1-dekabr kuni soat 22:02 larda, Qarshi shahar “Beklar” mahallasi hududi, Amir Temur ko‘chasidagi “Ganga” kafesi oldida, haydovchi P.D. boshqaruvida bo‘lgan 1-Lacetti rusumli avtomobili bilan A.Temur ko‘chasi tomonidan Qarshi shahar Jayxun ko‘chasi tomon harakatlanib borib, haydovchi M.A. boshqaruvida bo‘lgan 2-Lacetti rusumli avtomobilining harakat yo‘liga chiqib ketib, yo‘lning o‘ng tomonida to‘xtab turgan, haydovchi P.D. boshqaruvida bo‘lgan 3-Lacetti, haydovchi T.S. boshqaruvida bo‘lgan Cobalt, haydovchi P.Sh. boshqaruvida bo‘lgan Tracker rusumli avtomobillariga kelib urilib, yo‘l-transport hodisasi sodir etgan.

Bu haqda, Qashqadaryo viloyati IIB axborot xizmati xabar berdi.

Natijada, 3-Lacetti rusumli avtomobil salonida bo‘lgan yo‘lovchi tan jarohati olib shifoxonaga yotqizilgan.

“Hozirgi kunda mazkur holat yuzasidan surishtiruv harakatlari olib borilmoqda”, – deyilgan xabarda.

• Qarshi
• YTH