Qashqadaryo viloyati, Shahrisabz tumani, "Shakarteri" MFY, Soyboʻyi qishlogʻi hududiga togʻli hududdan Oʻzbekiston “Qizil kitob”iga kiritilgan 2 bosh Tyan-Shan qoʻngʻir ayiq bolalari kelib tushgan.

Vaziyat yuzasidan Ekologiya, atrof-muhitni muhofaza qilish va iqlim o‘zgarishi vazirligining Qashqadaryo viloyat boshqarmasi, Shahrisabz tuman IIB, Milliy gvardiya, Toshkent hayvonot bogʻi hamda Hisor qo‘riqxonasi xodimlaridan iborat tezkor ishchi guruh tuzilgan.

Voqea joyiga yetib borgan ishchi guruh tomonidan ko‘rilgan operativ chora-tadbirlar natijasida ayiq bolalari maxsus o‘q-dorili qurol yordamida uxlatilgan.

Ayiq bolalariga hech qanday shikast yetkazilmasdan “Hisor” davlat qo‘riqxonasining "Tanxoz" daryo bo'limiga qo'yib yuborilgan.

• Ayiq
• Qashqadaryo
• Shahrisabz