O‘zbekiston Qizil kitobiga kiritilgan hamda yo‘qolib ketish xavfi ostidagi yovvoyi fauna va flora turlari bilan xalqaro savdo qilish konvensiyasi ilovasiga kiritilgan noyob yo‘rg‘a tuvaloqlar Qoraqalpog‘istondagi Ustyurt tekisligiga qo‘yib yuborildi.

Ma’lum qilinishicha, bu safar hududga jami 893 bosh yo‘rg‘a tuvaloq qo‘yib yuborilgan. Mutasaddilar ushbu noyob qushlarni saqlab qolish va ularning populyatsiyasini ko‘paytirish maqsadida har yili 2 ming boshdan 3 ming boshgacha tabiatga qo‘yib yuborishni rejalashtirgan.

Yo‘rg‘a tuvaloq O‘zbekiston Qizil kitobiga kiritilgan bo‘lib, yo‘qolib ketish xavfi ostidagi yovvoyi fauna va flora turlari bilan xalqaro savdo qilish konvensiyasi ilovasidan ham o‘rin olgan.