1989-yilda tug‘ilgan O‘zbekiston fuqarosi Atirau viloyatidagi Miyali qishlog‘ida chaqmoq urishidan vafot etgan. Bu haqda Tengrinews.kz xabar berdi.
Ma’lum qilinishicha, ushbu voqea 25-iyun kuni kechqurun sodir bo‘lgan. Usenov ko‘chasidagi egasiz uyga chaqmoq tushishi oqibatida yong‘in kelib chiqqan. Mahalliy o‘t o‘chirish bo‘limining uchta xodimi yong‘inni o‘chirgan.
Keyinchalik voqea paytida uyda bir kishi bo‘lgani aniqlangan. Aytishlaricha, chaqmoq vaqtida u qurilayotgan uyning oshxonasida bo‘lgan.
Holat yuzasidan tergov davomida o‘zbekistonlik fuqaro Qozog‘istonga 2024-yil 28-mayda kirganligi va vaqtinchalik Miyali qishlog‘i aholisining uyida ro‘yxatdan o‘tganligi aniqlangan.
Hozirda jasad sud-tibbiyot ekspertizasi uchun tuman kasalxonasining o‘likxonasiga topshirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!