Unda O‘zbekiston Badiiy akademiyasi akademigi Asliddin Isayevning 65 ta ijodiy ishi namoyish etildi.

Kuni kecha Samarqandning “Chorsu” galareyasida O‘zbekiston Badiiy akademiyasi akademigi Asliddin Isayevning “Samarqand ruhi rassom nigohida” nomli shaxsiy ko‘rgazmasining ochilishi bo‘lib o‘tdi.

Tadbirda ijodkorning “Izvoshchi”, “To‘y”, “Kutilmagan nur”, “Kolxozdagi oqshom”, “Kuz. Qovun bozori” kabi asarlari taqdim etildi.

“Ma'lumki, so‘nggi oylar davomida Samarqand shahriga Shanxay hamkorlik tashkiloti a’zo mamlakatlarining rassomlari, haykaltaroshlari, avtopoygachilari, fotograflari va inflyuenser-blogerlari tashrif buyurishdi. Ularning har biri o‘z asarlari orqali Shanxay hamkorlik tashkilotlari davlatlarida Samarqand ruhini aks ettirishga harakat qildi. Bugungi “Samarqand ruhi rassom nigohida" ko‘rgazmasi ham ushbu ishlarning mantiqiy davomidir”, – deydi Turizm va madaniy me’ros vaziri o‘rinbosari Nusratilla Zikrillayev ko‘rgazma ochilishidagi nutqida.

Maʼlumot uchun, ekspozitsiyada rassomning 65 ta ijodiy ishi namoyish etilgan.

• Ko‘rgazma
• Samarqand
• Turizm