O‘zbekiston Respublikasi Prezidenti Shavkat Mirziyoyev Shanxay hamkorlik tashkilotiga a’zo davlatlar Tashqi ishlar vazirlari kengashining tadbirlarida ishtirok etish uchun Toshkentga kelgan Xitoy Xalq Respublikasi Davlat kengashi a’zosi, tashqi ishlar vaziri Van Ini qabul qildi. Bu haqda O‘zbekiston Prezidenti matbuot kotibi Sherzod Asadov ma’lum qildi.

Qayd etilishicha, uchrashuvda ikki tomon vakillari O‘zbekiston va Xitoy o‘rtasidagi har tomonlama strategik sheriklik munosabatlarini yanada mustahkamlash, ko‘p qirrali hamkorlikni kengaytirishning dolzarb masalalari muhokama qilgan.

Shuningdek, mintaqaviy hamkorlikni mustahkamlash istiqbollari yuzasidan fikr almashilib, SHHTning bo‘lajak sammiti kun tartibi ko‘rib chiqilgan.

• Prezident qabuli
• Shavkat Mirziyoyev
• Van I
• Xitoy Tashqi ishlar vaziri