Rossiya Xavfsizlik kengashi kotibi Sergey Shoygu Kobulga tashrifi davomidagi nutqida, AQShning Afg‘onistonga nisbatan siyosatini tanqid qildi. Uning so‘zlariga ko‘ra, Vashington Afg‘oniston siyosatiga ko‘p yillar davomidagi aralashuvdan keyin qoldirgan vayronagarchiliklari uchun javob berishi kerak.

“Qo‘shma Shtatlar atrofdagi barcha mamlakatlarni talon-toroj qilmoqda va Afg‘oniston ham bundan mustasno emas. Afg‘on xalqiga tegishli aktivlarni qaytarish muammosi haligacha hal qilinmagan. Liviya va Suriyada bo‘lgani kabi, Afg‘onistonga ham bu mablag‘larni qaytarib bermoqchi emas”, – degan Segey Shoygu.

Shuningdek, u Afgonistonni tiklash uchun asosiy rolda AQSh bo‘lishi kerakligini ta’kidlagan. “Ular qilgan ishlari uchun javob berishi va buning badalini to‘lashi kerak. AQSh odamlar, obyektlar va infratuzilmaning butunlay tanazzulga yuz tutishiga sababchi bo‘lgan”, – deya fikrlarini yakunlagan Shoygu.

• AQSh
• Afg‘oniston
• Sergey Shoygu