O‘zbekiston elchixonasi diplomatlari Sid bankning boshqaruv raisi va rivojlanish va eksport banki bosh direktori Borut Yamnik bilan uchrashuv o‘tkazdi.

Muzokaralar chog‘ida Sloveniya banki rahbari o‘zbekistonlik hamkor banklar va moliya institutlari bilan bevosita hamkorlik qilishga tayyorligini bildirdi.

Shuningdek, u Sid Bank Sloveniyadagi hamkorlari orqali O‘zbekistonda farmatsevtika va telekommunikatsiya tarmoqlarini o‘z ichiga olgan loyihalarni amalga oshirishda ishtirok etishini ta’kidladi. Xususan, “O‘zbektelekom” va Sloveniyaning Iskratel kompaniyasi o‘rtasidagi o‘zaro munosabatlar muhokama qilindi.

Uchrashuv yakunida tomonlar Sid banki O‘zbekiston banklari uchun maxsus kredit liniyalarini ajratish to‘g‘risida kelishib oldilar.

• Bank
• Hamkorlik
• O‘zbekiston
• Sloveniya