Taksi xizmatlari sohasini legallashtirish, rasmiy ish bilan band bo‘lmagan shaxslar faoliyatlarini qonuniylashtirgan holda ushbu bozordagi aylanmalar hisobini yuritish bo‘yicha boshlangan ishlar yil so‘ngiga borib o‘zining ilk samarasini berdi. Bu haqda Soliq qo‘mitasi matbuot xizmati xabar berdi.

Birinchidan, bozorning eng katta ishtirokchilari soliq tizimlari bilan integratsiya qilinib, taksi xizmatlari uchun fiskal chek berilmoqda.

Ikkinchidan, yo‘lovchi tashish xizmati bilan shug‘ullanuvchi o‘zini o‘zi band qilgan fuqarolarning rasmiy daromad manbayi shakllanib, iqtisodiy harakatlarda daromad to‘g‘risidagi ma’lumotlar hisobga olina boshlangan.

Xabarga ko‘ra, “2023-yil dekabr oyida onlayn-taksi agregatorlari orqali 4,4 million tashuvlar amalga oshirilgan bo‘lsa, fevral oyida bu raqam 8,9 millioni tashkil etgan”.

Shuningdek, naqd va naqdsiz hisob-kitoblarda to‘lovlarni fiskallashtirish bo‘yicha hamkorlikda olib borilgan ishlar natijasida dekabr-fevral oylarida byudjetga 9,7 mlrd so‘m soliqlar to‘langan.

• Soliq
• Taksi
• fiskal chek