Tesla markaziy displeyda yuzaga kelishi mumkin bo‘lgan muammolar tufayli Xitoyda 107 200 dan ortiq Model 3 va Model Y elektromobillarini qaytarib oladi. Bu haqda Xitoy davlat bozor nazorati boshqarmasi saytida dushanba kuni chop etilgan xabarda so‘z boradi.
Ta’kidlanishicha, qaytarib olinishiga ushbu transport vositalarini tez zaryadlash jarayonida yuzaga kelgan markaziy sensorli ekrandagi muammolar sabab bo‘lgan. Eng yomon holatda, ular xavfsizlikka potensial xavf tug‘diradigan nosozliklarga olib kelishi mumkin.
Shanxay zavodida ishlab chiqarilgan jami 107 239 ta Model 3 va Model Y elektromobillari 23-maydan boshlab chaqirib olinadi. Avtomobillar 2021-yil 19-oktabrdan 2022-yil 26-aprelgacha yig‘ilgan. Agentlik bayonotida aytilishicha, tegishli partiyalarda avtomobilni tez zaryadlash vaqtida markaziy sensorli ekran bilan bog‘liq muammolar bo‘lishi mumkin. Bunday holda, potensial xavfsizlik xavfini ko‘rsatadigan nosozliklar xavfi mavjud.
Ma’lumot uchun, joriy yil aprel oyi oxirida Tesla AQShda 48 ming Tesla Model 3 elektrosedanini qaytarib oldi. Buning sababi, Auto News of the Day nashri xabar berishicha, tizimdagi xatolik tufayli ba’zi avtomobillar spidometrni noto‘g‘ri ko‘rsatishi bo‘lgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!