Toshkent hayvonot bog‘ida ilk bor pushti flamingo jo‘jalari dunyoga keldi. Bu haqda tashkilot matbuot xizmati Telegram kanalida xabar berdi.

Biz buni juda uzoq kutgan edik va nihoyat bir necha hafta oldin hayvonot bog'imizda 3 ta pushti flamingo jo'jalari dunyoga keldi. Jo'jalar sog'lom va viqorli ota-onalariga deyarli o‘xshamaydi, hozircha. Jo‘jalarning patlari rangi kulrang – pushti pigment bir necha oy ichida paydo bo'ladi. Eng qiziq jihati esa, flamingo jo'jalari juda tez rivojlanadi. Bu o'zgarishlar birinchi 9 kun ichida, ayniqsa, seziladi”, – deyiladi xabarda.

Ta'kidlanishicha, jo'jalarning tug'ilishiga yangi, keng volyer sabab bo'lgan.

“Ilgari qushlar ularga juda yaqin bo'lgan tashrif buyuruvchilar sababli doimiy stressni boshdan kechirishgan, bu esa ularga muvaffaqiyatli ko'payishlariga imkon bermagan”, – deb tushuntirdi matbuot xizmati.

• Hayvonot bo‘i
• Toshkent