Toshkent shahar hokimligining Mirobod tumani, Pomir ko‘chasi, 34-uy manzilida joylashgan bino va inshootlarini Toshkent davlat transport universitetiga operativ boshqaruv huquqi bilan davlat-xususiy sheriklik shartlari asosida zamonaviy talabalar turar joyini barpo etish uchun bepul berildi.

Bu borada O‘zbekiston Respublikasi Vazirlar Mahkamasining 2022-yil 9-sentyabrdagi 489-Gʻ sonli farmoyishi ijrosini ta’minlash maqsadida Toshkent shahar hokimining qarori e’lon qilindi.

Qarorga ko‘ra “Munisipal aktivlarni boshqarish markazi” davlat unitar korxonasi (A.Razzoqov) umumiy maydoni 4 648,0 kv.m. bo‘lgan bino va inshootlar tegishli hududi bilan birga operativ boshqaruv huquqi bilan Universitetga belgilangan tartibda bepul topshirilishi ta’minlash vazifasi topshirilgan.

Shuningdek, Kadastr agentligining Toshkent shahar boshqarmasining (B.Toshxo‘jayev) tegishli hujjatlar rasmiylashtirilganidan so‘ng, ushbu bino va inshootlar o‘rnatilgan tartibda davlat kadastri ro‘yxatidan o‘tkazishi belgilangan.

Mazkur qarorning ijrosini nazorat qilish Toshkent shahar hokimining birinchi o‘rinbosari Hotambek Shakirov zimmasiga yuklatilgan.

Tahrirlandi: 14:30 3.10.2022

• Hokimlik
• Ortiqxo‘jayev
• Talabalar
• Universitet
• Yotoqxona