Bugun, 27-fevral kuni Mirzo Ulug‘bek tumanidagi Ziyolilar ko‘chasida 50-sonli shahar avtobus marshrutida hodisa yuz berdi.

Mas’ul tuzilmalar xodimlarining xabar berishicha, hodisaning sababi avtobusning yurish qismidagi texnik nosozlik bo‘lib, natijada transport vositasi daraxtga urilib ketgan.

“Voqea joyiga tezkor ravishda qutqaruv xizmatlari va tez tibbiy yordam brigadalari yetib kelgan. Mavjud ma’lumotlarga ko‘ra, bir kishi jarohat olgan, uning ahvoli aniqlanmoqda.

Hozirgi vaqtda vakolatli organlar tomonidan hodisaning barcha holatlarini o‘rganish bo‘yicha tekshiruv o‘tkazilmoqda.

Vaziyatni o‘rganish yakunlariga ko‘ra qo‘shimcha ma’lumot taqdim etiladi”, – deyiladi Toshkent shahar hokimligi xabarida.

• Avtobus
• Toshkent
• daraxt