Yakkasaroy tumanida joylashgan “Kosmonavtlar bog‘i” bugungi zamonaviy bog‘ hamda sayilgohlar talablariga javob bermayotganligi, unda aholi sayr qilishi, xordiq chiqarishi uchun shart-sharoitlar yetarli bo‘lmaganligi sababli ushbu hududda zamonaviy qulayliklarga ega sayilgoh tashkil etish rejalashtirilmoqda.

Toshkent shahar hokimligiga ko‘ra, shaharsozlik talablaridan kelib chiqib, malakali mutaxasassislar tomonidan tayyorlangan loyihada bog‘ hududidagi yashillik va daraxtlarni saqlab qolish hamda ko‘kalamzor maydonni yana-da kengaytirish inobatga olingan.

Yangi bog‘da, “Jemchug” va IIV oralig‘idagi hududda piyodalar va velosiped yo‘laklari tashkil etiladi, bolalar maydonchalari o‘rnatiladi va aholi talabiga ko‘ra, boshqa qulayliklar yaratiladi.

“Ta’mirlash jarayonida sayilgohga yaqin yashovchi, bu yerdan qatnovchi aholiga va sayr qiluvchilarga  noqulayliklar bo‘lishi mumkin va buning uchun uzr so‘raymiz”, – deyiladi hokimlik xabarida.  

• Kosmonavtlar
• Toshkent