Shuningdek, joriy yil oktyabr oyi yakunigacha 200 ta elektrobus olib kelinishi kutilmoqda.

Transport vazirligi ma’lumotiga ko‘ra, Toshkentda jamoat transportini modernizatsiya qilish bo‘yicha yirik dastur amalga oshirilmoqda.

2025-yil oktyabrida 200 ta 12 metrlik elektrobus olib kelinadi. Ular asosida to‘rtta yangi yo‘nalish ochiladi, olti yo‘nalishda yo‘nalish o‘zgartiriladi va to‘rttasida qatnovlar soni oshiriladi. Toshkent viloyatining 5 ta yo‘nalishi poytaxt tizimiga qo‘shiladi.

2026-yilda yana 1000 ta avtobus xarid qilinadi: 30 tasi 18 metrlik, 500 tasi 12 metrlik, 470 tasi esa 9 metrlik avtobus va elektrobuslar.

Yangi Toshkentda 3 ta zamonaviy avtosaroy qurilishi rejalashtirilgan, 2800 ta ish o‘rni yaratiladi. Loyihalar amalga oshgach, avtobuslar soni 2891 taga, yillik yo‘lovchi tashish hajmi esa 750 million nafarga yetadi.

• Avtobus
• Toshkent
• Transport vazirligi