Joriy yilning 31-iyul kuni uchuvchisiz boshqariluvchi ulkan raketa kuchaytirgich Yerga tushadi va uning qoldiqlari hech bo‘lmaganda atmosferada yonib ketmasligi ehtimoldan yiroq emas. Bu haqda Ayerokosmik korporasiya prognozlariga tayanib “ScienceAlert” yozmoqda.

Gap Xitoy Milliy kosmik boshqarmasi (CHCA) tomonidan 2022-yil 24-iyulda yangi Tiangong kosmik stansiya modulini orbitaga yetkazish uchun uchirilgan “Long March 5B” raketasi haqida bormoqda. Raketaning uzunligi 53,6 metr, og‘irligi esa 23 tonnaga yaqin.

Yaxshi xabar shundaki, vayronalardan sezilarli zarar yetkazish ehtimoli juda past. Ammo yomon xabar shundaki, hozirda olimlar tezlatgich qayerga qulashi mumkinligi haqida aniq tasavvurga ega emaslar. Hozircha mutaxassislar atmosferaga qayta kirish 2022-yil 30-iyul oqshomida yoki 31-iyulga o‘tar kechasi sodir bo‘ladi, degan fikrga kelishdi.

Ayerokosmik korporasiya tomonidan e’lon qilingan xaritada sariq chiziqlar kuchaytirgich qayta kirish oynasining o‘rtasida bo‘lishi mumkinligini ko‘rsatadi. Ushbu oynada oq chiziq kunduzgi va kechgi joylarini ajratib turadi.

“Qulashning nazoratsiz tabiati tufayli, omon qolgan vayronalarning aholi punktlariga tushishi nolga teng bo‘lmagan imkoniyatga ega – dunyo aholisining 88 foiz dan ortig‘i potensial qayta kirish izlari ostida yashaydi”, – deyiladi Ayerokosmik korporasiya qaydlarida.

Dastlabki ma’lumotlarga ko‘ra, ob’yektning 20-40 foiz massasi yerga yetib keladi, garchi bu jismning dizayniga bog‘liq bo‘lsa-da. Xitoyning “Long March 5B” raketa kuchaytirgichi haqida ochiq ma’lumotlar ko‘p emas, shuning uchun prognozlar juda noaniq.

Aytish joizki, bunday holat dastlabkisi emas. O‘tgan yilning may oyida xuddi shunday Xitoy raketasining qismlari Hind okeanining chekka qismiga, 2020-yilda esa kuchaytirgich Afrikadagi Kot-d’Ivuar yaqinida qulagan edi. Bu yil allaqachon Xitoyning yana bir raketasi Oyga qulagan, ammo CHCA buni rasman tasdiqlamagan.

• AQSh
• Galaktika
• Koinot
• NASA
• Raketa
• Xitoy
• kosmos