Ukraina harbiylari chorshanba kuni erta tongda Zaporojye atom elektr stansiyasi (AES) joylashgan Energodar shahriga qarata o‘t ochdi.

Bu haqda munitsipal harbiy-fuqarolik ma’muriyati xabar berdi.

“Ukraina harbiylari hozirda Energodarni turli qurollardan o‘qqa tutmoqda. Raketalar shaharning turli qismlarini nishonga olgan”, - deya ma’lum qildi ma’muriyat.

Qurbonlar va mahalliy infratuzilmaga yetkazilgan zarar ko‘lami haqida hozircha ma’lumot yo‘q.

Shahar harbiy-fuqarolik ma’muriyatining xabar berishicha, Ukraina kuchlari AQShda ishlab chiqarilgan M777 gaubitsalaridan foydalangan holda Zaporojye AESiga to‘qqizta artilleriya zarbasi bergan.

Energodar, shuningdek, shaharda joylashgan Yevropaning eng yirik atom elektr inshooti bo‘lgan Zaporojye atom elektr stansiyasi Ukraina qo‘shinlari, artilleriya va uchuvchisiz uchoqlar tomonidan bir necha bor hujumga uchragan.

Ma’lumot uchun,stansiya yaqinidagi ayrim infratuzilma obektlariga zarar yetkazilishi natijasida uning oltita bo‘linmasining barchasi to‘xtab qolgan.

• Rossiya
• Ukraina
• Zaporojye AES