Germaniyaning Volkswagen AG (VW) avtokonsernining Xitoy bo‘limi – Volkswagen Group China – Xitoyning ikki kompaniyasi bilan elektromobillar akkumulyatorlarini ishlab chiqarishda qo‘llaniladigan metallarni qazib olish uchun qo‘shma korxonalar tashkil etish bo‘yicha shartnomalar imzoladi. Bu haqida “Reuters” axborot agentligi xabar bermoqda. 

Qayd etilishicha, Huayou Cobalt va Tsingshan Group bilan qo‘shma korxonalar nikel va kobalt ishlab chiqarishni o‘z zimmasiga oladi, deydi Volkswagen vakili. Shuningdek, QK Xitoy va Indoneziyada ro‘yxatdan o‘tkaziladi.

Yangi loyihalar avtomobil ishlab chiqaruvchisiga xarajatlarni optimallashtirish va elektromobillar ishlab chiqarish uchun xomashyoni barqaror yetkazib berish zanjirlarini ta’minlash imkonini beradi. Kompaniya ko‘rilayotgan chora-tadbirlar ularni ishlab chiqarishdagi xarajatlarni 30-50 foizga qisqartirishini kutmoqda.

Ta’kidlanishicha, oxirgi 12 oy ichida Volkswagen kapitallashuvi 22 foizga kamaygan.

• Avtomobil
• Germaniya
• Volkswagen
• Xitoy