Ukraina xalqi va Zelenskiy Buyuk Karl mukofotini oldi.

Buyuk Karl mukofoti nafaqat Zelenskiyga, balki butun Ukraina xalqiga topshirilganini 16 dekabr kuni mukofotni ta’sis etgan Axen shahri ma’muriyati ma’lum qildi.

Ma’lumotlarga ko‘ra, Buyuk Karl mukofoti 1950 yildan beri Yevropani birlashtirish bilan bog‘liq xizmatlari uchun beriladi.

O‘tgan yili Aleksandr Lukashenko rejimiga qarshi chiqqan belaruslik muxolifatchilar Svetlana Tixanovskaya, Mariya Kolesnikova va Veronika Syepkalo mukofot laureatlari bo‘lgandi.

Mukofot beruvchi tashkilot rasmiylarining ta’kidlashicha, Ukraina xalqi xalqaro huquqqa zid bo‘lgan Rossiyaning ta’riflab bo‘lmaydigan shafqatsiz bosqinchilik urushi qurboni bo‘ldi va Ukraina Oʻz prezidenti Volodimir Zelenskiy boshchiligidagi xalq nafaqat oʻz mamlakati suvereniteti va fuqarolari hayotini, balki Yevropa va Yevropa qadriyatlarini ham himoya qilmoqda.

Ma’lumot uchun, mukofot Franklar imperiyasining asoschisi, o‘z davlatini Axendan boshqargan Karl sharafiga nomlangan.

• AQSh
• Rossiya imperiyasi
• Ukraina doni
• Yevropa