Xitoy Kubadagi maxfiy bazasidan Amerika Qo‘shma Shtatlari haqida razvedka ma’lumotlarini yig‘ish uchun foydalanmoqda. Bu haqda kecha 10-iyun kuni Politico gazetasida chop etilgan maqolada qayd etilgan.

Amerika rasmiysining aytishicha, Vashington bu vaziyatdan xavotirda va unga qarshi choralar ko‘rmoqda.

Uning so‘zlariga ko‘ra, Xitoy bu inshootdan ma’lumot to‘plash uchun AQShning amaldagi prezidenti Jo Bayden hokimiyatga kelishidan oldin ham foydalana boshlagan.

“Ushbu ma’muriyat 2021-yil yanvar oyida ish boshlaganida, biz XXR tomonidan xorijdagi logistikani kengaytirish, harbiy quvvatni loyihalash va uzoqroq masofada saqlash uchun (razvedka) yig‘ish bazalari hamda infratuzilmasidan foydalanish bo‘yicha bir qator maxfiy harakatlar haqida ma’lumot oldik. Aslida, Xitoy 2019-yilda Kubadagi razvedka ma’lumotlarini yig‘ish vositalarini yangiladi. Bu razvedka hisobotlarida to‘liq hujjatlashtirilgan”, – deydi AQSh rasmiysi.

Amerikalik mulozimning so‘zlariga ko‘ra, Bayden avvalroq ma’muriyat vakillariga bu masalani Xitoy rasmiylari bilan muhokama qilish haqida ko‘rsatma bergan.

• AQSh
• Diplomatik
• Siyosat
• Xitoy