G7 (Katta yettilik) yetakchilarining navbatdagi sammiti 2023-yilda Yaponiyaning Xirosima shahrida bo‘lib o‘tadi, deb yozadi Kyodo Yaponiya vazirlar mahkamasidagi manbalarga tayanib.
Qayd etilishicha, joyni tanlash klubning 2023-yildagi Yaponiya prezidentligi bilan bogliq, hozircha sammitning aniq sanalari noma’lum. Taxminlarga ko‘ra, ular 26–28-iyun kunlari Germaniyada bo‘lib o‘tadigan navbatdagi sammitda e’lon qilinishi mumkin.
Shuningdek, sammitning Xirosimada o‘tkazilishiga sabablardan biri Yaponiyaning amaldagi bosh vaziri Fumio Kisidaning aynan shu mintaqadan kelishidir. Ya’ni, uning saylov okrugi shu yerda joylashgan.
Ma’lumot uchun, “Katta yettilik” davlatlari rahbarlarining avvalgi sammiti 2016-yilda Yaponiyada Mie prefekturasining Kashiko orolidagi Shima shahrida boʻlib oʻtgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!