Turk oshxonasi asrlar mobaynida Yaqin Sharq, Kichik va O‘rta Osiyo madaniyatlari ta'sirida shakllangan. Shuning uchun bo‘lsa kerak, u o‘zida turli xalqlarning, turli mintaqalarning an'analarini aks ettiradi.

Turk oshxonasi go‘shtli ovqatlarga boy, ular ichida eng mashhuri, albatta, kabobdir. Turkiyaning turli burchaklarida kabobning o‘ndan ortiq turlari tayyorlanadi. Ammo turk oshxonasi shirinlik ishqibozlarini ham e'tiborsiz qoldirmaydi – ular luqum, holva, pahlavadan baxramand bo‘lishlari mumkin. Bulardan tashqari, turk qahvasi va choyi, “simit” teshik kulchalari va mahalliy pitssa – lahmajun o‘z shinavandalariga ega bo‘lib ulgurgan.

Quyida turk oshxonasining ba'zi mashhur taomlariga qisqacha to‘xtalib o‘tamiz.

1. Kunjut sepilgan teshik kulcha odatda nonushta dasturxoniga tortiladi. Simit bilan birga murabbo yoki pishloq tanovul qilishadi. Simitning hajmi, o‘lchovi va ta'mi har bir viloyatda turlichadir. Izmir shahrida uni gevrek deb atashadi.

2. Shuningdek, simit ko‘chalarda sotiladi. Sotuvchilar uni maxsus aravachada yoki boshlarida olib yurishadi.

3. Gyozleme – qiymali non shaklidagi an'anaviy turk taomlaridan biri. Gyozleme saj deb ataladigan maxsus tovada pishiriladi. Qiyma ismaloq, pishloq, dengiz mahsulotlari, tuxum, qiyma go‘sht va boshqa narsalardan qilinishi mumkin.

4. Lahmajun navbatdagi mashhur sharqona taomdir. Uni arman, turk yoki arab pitssasi deb ham atashadi. Taomni tayyorlash uchun maxsus yupqa non ustiga qiyma go‘sht, pomidor yoki tomat sousi, bulg‘or qalampiri, piyoz, sarimsoq, ko‘katlar, oregano qo‘yiladi. Lahmajun odatda 150-170 gramm og‘irlikka ega bo‘ladi.

5. Mutanjana – quritilgan mevalar va qo‘y go‘shtidan tayyorlanadigan ovqat.

6. Ko‘zachada pishiriladigan krevetkalar.

7. Iskandar kabob – qo‘zi go‘shti, mayda to‘g‘ralgan non bo‘laklari, eritilgan yog‘ va qatiq tomat sousida tayyorlanadi.

8. Adana kabob – qiyma go‘shtdan sixda tayyorlanadi, ustidan o‘tkir qalampir yoki murch sepiladi.

9. Kyofte – turk kotletlari. Turkiyaning har bir viloyatida o‘ziga xos retsept bo‘yicha tayyorlanadi.

10. Ichiga qiyma solingan midiya.

11. Ziravorlar sepilgan kichik kotletlar.

12. Tantuni – go‘sht va pomidordan tayyorlanadigan taom. Tantuni lavashga o‘ralgan holda yoki oddiy non ichida, shuningdek, nonsiz ham iste'mol qilinishi mumkin. Tabga ko‘ra ko‘katlar va piyoz qo‘shiladi.

13. Menemen – tuxumga pomidor, piyoz, qalampir aralashtirib pishiriladigan nonushta taomi.

14. Burekas – nafaqat Turkiyada, balki boshqa qo‘shni mamlakatlarda ham mashhur pishiriq. Qatlama hamirdan tayyorlanadi.

15. Knafe – Kadoif lag‘moni va echki pishlog‘i asosida tayyorlanadigan ovqat.

16. Ayron.

17. Pahlava – qatlama xamirdan tayyorlanadigan pishiriq. Yupqa xamir qatlamlari ustma-ust qo‘yilib, ularning ustidan yog‘ surtiladi, so‘ng maxsus idishda o‘ralib pishiriladi. Pishgan xamir eritilgan shakar va limon sharbatiga bo‘ktirilib, maydalangan yong‘oq yoki pista xamir qatlamlari orasiga joylashtiriladi. Tabga qarab ziravor va gulob qo‘shish mumkin.

18. Luqum – ikki turda bo‘ladi: rohat-luqum undan, shakar-luqum esa shakardan tayyorlanadi. Shuningdek, pishiriqqa nishasta, yong‘oq, pista, bodom, kokos qo‘shilishi mumkin.

19. Luqma – kulchaga o‘xshash shirin pishiriq. Achitqili xamirdan va dolchindan tayyorlanib, qizitilgan yog‘da qovuriladi. Tanovul qilishdan oldin ustidan asal, shakar qiyomi surib, dolchin sepiladi.

20. Tulumba – odatda desertga tortiladigan pishiriq. Tulumba 5 sm li bo‘laklarga ajratilgan tuzsiz xamirdan tayyorlanadi, xamir bo‘laklari qovurilgach, ustidan qiyom suriladi.

21. Turk qahvasi.

22. Turk choyi.