Eronning Bandar Abbos shahrida mahalliy aholi koronavirus tashxisi qo‘yilgan bir necha kishi saqlanayotgan kasalxonani yoqib yuborishga uringan. Ushbu voqea bilan bog‘liq video 29-fevral, shanba kuni Iran International telekanalining Twitter’dagi sahifasida e’lon qilindi.

Devor panjara ortida tibbiyot muassasasi binolari qanday yonayotgani ko‘rsatilgan. Videotasvirdan ko‘rinishicha, buni Bandar Abbosda koronavirus yuqtirganlikda gumon qilingan bemorlarning joylashtirilganiga qarshi norozilik bildirgan shahar aholisi kuzatmoqda. Biroz vaqt o‘tgach, yong‘in o‘chirildi.

Жители иранского города Бендер-Аббас сожгли часть клиники, в которую доставили заразившихся коронавирусом. Об этом сообщил телеканал Iran International. https://t.co/Zrxd3kvKxU

— А_Блэк (@Alex_12Black) February 29, 2020

Iran International xabariga ko‘ra, mahalliy aholi koronavirus tashxisi qo‘yilgan o‘n kishining Eronning Qum shahridan mahalliy kasalxonaga keltirilganidan norozi  bo‘lgan. Biroq, Xormozgan tibbiyot universiteti vakili Fotima Noruzyan telekanalga yangi bemorlarning Bandar Abbosga ko‘chirilishi haqidagi xabarlar haqiqat emasligini aytdi.

Avvalroq, Eron Sog‘liqni saqlash vaziri o‘rinbosari Iraj Harirchi, va Eron parlamentining besh a’zosi allaqachon koronavirusni yuqtirganligi haqida xabar berilgan edi. Umuman olganda, so‘nggi ma’lumotlarga ko‘ra, mamlakatda 388 yuqtirish holati qayd etilgan, 43 kishi vafot etgan.