Жаҳон мамлакатларининг 40 дан ортиқ давлати Украинанинг Халқаро судга берган шикоятини қўллаб-қувватлади. Бу ҳақда Германия Ташқи ишлар вазирлиги сайтида чоп этилган бир гуруҳ давлатлар баёнотида айтилган.

“Биз Украинада 1948 йилдаги Геноцид жиноятининг олдини олиш ва жазолаш тўғрисидаги конвенцияси бўйича Халқаро судга Украина томонидан берилган шикоятни қўллаб-қувватлаймиз. Россия Украинада геноцид ҳақидаги асоссиз даъволари асосида ҳарбий ҳаракатлар ўтказишга ҳақли эмас”, – дейилган хабарда.

“Мамлакатлар ушбу жараённинг муҳимлигини қайд этиб, Россияни Европа Иттифоқи судининг 2022 йил 16 мартдаги профилактик чоралар тўғрисидаги қарорида кўрсатилганидек, Украинадаги ҳарбий ҳаракатларни зудлик билан тўхтатишга чақирмоқда. Суд қарори томонлар учун қонуний кучга эга, шунинг учун агар Россия унга риоя қилмаса, бу халқаро ҳуқуқ бўйича ўз мажбуриятларининг навбатдаги бузилиши бўлади”, дейилади баёнотда.

Ҳужжатни имзолаган давлатлар вакиллари Украинанинг халқаро ҳуқуқ нормаларига риоя этилишини ва суд томонидан низоларни тинч йўл билан ҳал этишга кўмаклашишдаги асосий ролини бажаришини таъминлашга қаратилган саъй-ҳаракатларини тасдиқлайди.

“Россия ўз ҳаракатлари учун жавоб бериши керак. Шу муносабат билан биз Россиянинг халқаро ҳуқуқни бузиши мамлакатнинг халқаро жавобгарлигини келтириб чиқаради ва Россиянинг халқаро ҳуқуқни бузиши натижасида Украинага етказилган зарар давлат томонидан давлат жавобгарлиги тамойилига мувофиқ зудлик билан қопланиши керак, деб ҳисоблаймиз”, дея таъкидланган ҳужжатда.

Маълумот учун, Украина шу йилнинг февраль ойида Россияга қарши даъво аризаси билан Гаагадаги Халқаро судга расман мурожаат қилган эди.

• Gaaga
• Халқаро жиноят суди