Шотландиялик 78 ёшли Кет Боуи Фортните онлайн ўйинининг дунёдаги энг кекса стримери сифатида расман тан олинди. Бу ҳақда «Тҳе Страитс Тимес» хабар берди.

Тармоқда «грумпйгран1948» тахаллуси билан танилган пенсионер мунтазам равишда жонли эфирга чиқиб, Фортнитеъдаги ўйин жараёнларини транслятсия қилади. Унинг каналига айни пайтда 24 мингдан ортиқ киши обуна бўлган.

Кет Боуи компютер ўйинларига тўққиз йил аввал невараси сабаб қизиқиб қолган. Невараси унинг ўйин транслятсияларини томоша қиладиганлар топилишига шубҳа билдирганидан сўнг, Кет бунинг аксини исботлашга қарор қилган. У ҳозир ҳар куни севимли ўйини қаршисида бир неча соат вақт ўтказади.

Қайд этилишича, Кет Боуига ёшлар ҳамжамияти билан мулоқот қилиш ва ўйиндаги мураккаб синовларни бажариш ёқади. Унинг ҳикояси Гиннеснинг рекордлар китобининг видеоўйинларга бағишланган янги сонига киритилади. Рекордчи эса ёшга эътибор бермасдан, янги машғулотларни синаб кўриш ҳеч қачон кеч эмаслигини таъкидлаган.