“Ўзбекистоннинг янги тайинланган Фавқулодда ва Мухтор Элчиси Абат Файзуллаев (қароргоҳи Рим шаҳрида жойлашган) Кипр Республикаси президенти Никос Христодулидисга ишонч ёрлиқларини топширди”, – деб хабар қилмоқда Дунё ахборот агентлиги. Кипр Республикаси етакчиси хорижий дипломатлардан ишонч ёрлиқларини қабул қилиш маросимидаги нутқида янги элчиларни самимий қутлаб, уларга ўз вазифаларни амалга оширишда муваффақиятлар тилади, шунингдек, икки ва кўп томонлама муносабатларни ривожлантиришда муносиб ҳисса қўшишига умид билдирган.

Кипр Республикаси президенти Ўзбекистон билан муносабатлар истиқболларига алоҳида тўхталди. “Ўзбекистон билан икки томонлама, шунингдек, Европа Иттифоқи доирасидаги ҳамкорлик алоқаларини ривожлантиришга алоҳида эътибор қаратамиз”, – деган президент Никос Христодулидис.

Абат Файзуллаев Кипрга тайинланган Ўзбекистоннинг биринчи элчиси бўлди. У 2023 йил октябрь ойида Ўзбекистоннинг Италиядаги элчиси лавозимига тайинланган эди.

• Элчи
• Кипр