АҚШ Венесуэла президенти Николас Мадурони ҳибсга олишга ёрдам берадиган маълумот учун мукофотни икки бараварга оширди.

Бу ҳақда Қўшма Штатлар Бош прокурори ва адлия вазири Пем Бонди Х ижтимоий тармоғидаги саҳифасида маълум қилди.

“АҚШ Адлия вазирлиги ва Давлат департаменти Николас Мадурони ҳибсга олишга олиб келадиган маълумот учун 50 миллион долларлик мукофот эълон қилади. Мадуро дунёдаги энг йирик наркобаронлардан бири бўлиб, миллий хавфсизлигимиз учун таҳдиддир” – дея қайд этди Бонди.

Каракас эса Вашингтоннинг мазкур қадамини “ачинарли ва бемаънилик” деб атади.

“Ватанимиз шаъни сотилмайди. Биз бу қўпол сиёсий тарғибот операциясини рад этамиз” – деб қайтарди Венесуэла ташқи ишлар вазири Иван Хил Пинто ўзининг Телеграм каналида.

Жорий йилнинг январь ойида АҚШ Мадурони ҳибсга олишга ёрдам берувчи маълумот учун 25 миллион доллар мукофот белгиланган эди.

АҚШ 2013 йилдан бери Венесуэлани бошқариб келаётган Николас Мадуро Мадуро президент сифатида тан олмайди ва уни “диктатор” деб атайди.

• АҚШ
• Janubiy Amerika
• Президент
• Венесуэла