Reuters маълумотларига кўра, делегацияга витсе-президент Жей Ди Венснинг рафиқаси Уша Венс раҳбарлик қилади. Унинг таркибга, шунингдек, АҚШ президентининг миллий хавфсизлик бўйича маслаҳатчиси Майк Уолц ва энергетика вазири Крис Райт ҳам киритилган.

Ташриф 27-29 март кунлари бўлиб ўтиши режалаштирилган бўлиб, расмийлар Қўшма Штатларнинг Гренландиядаги ҳарбий базасини кўздан кечиришни режалаштирмоқда.

Гренландия бош вазири Муте Эгеде америкаликларнинг ташрифидан асл мақсад “куч намойиши” эканлигини ва Вашингтон вакиллари билан ҳеч қандай расмий учрашув ўтказилмаслигини айтган.

“Яқин-яқингача биз америкаликларга ишонишимиз мумкин эди. Улар бизнинг иттифоқдошимиз ва дўстимиз эди. Лекин бу давр ўтиб кетди”, — дея фикр билдирди Эгеде.

• АҚШ
• Амалдорлар
• Ташриф