31°
Кечаси 18°
Бирлашган Араб Амирликларидан Интерпол каналлари орқали қидирувда бўлган фуқаролар Ўзбекистон Республикасига олиб келинди.
Тошкент ва Абу-Даби Интерпол Миллий Марказий Бюролари ходимларининг яқин ҳамкорлиги ва мувофиқлаштириши натижасида, оғир жиноятлар содир этганлик айби билан халқаро қидирувда бўлган уч нафар фуқаро Бирлашган Араб Амирликларидан Ўзбекистон Республикасига топширилган. Бу ҳақда ИИВ хабар берди.
“Миллий марказий бюролар ўртасидаги учрашувлар ва музокаралар давомида шаклланган икки томонлама алоқалар, трансмиллий жиноятчиликка қарши курашга йўналтирилган барча жиҳатларни ҳисобга олган ҳолда амалдаги халқаро битимларга асосланган тарзда жиноятчиларни топшириш кўрсаткичларининг ўсиши кузатилмоқда”, – дейилади хабарда.
Олиб келинган шахслар Ўзбекистон ҳуқуқни муҳофаза қилиш органлари томонидан мамлакат ҳудудида содир этилган иқтисодий ва мулкий жиноятларга оид айбловлар бўйича қидирувда бўлган. Эндиликда улар жиноий жавобгарликка тортилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
