Хабар берилишича, Ҳиллари Клинтоннинг Конгрессга сўроққа чақирилиши 9 октябрга, унинг турмуш ўртоғи Билл Клинтонники эса 14 октябрга белгиланган. Уларнинг иккаласи ҳам Жеффри Эпштейн билан таниш бўлган, хусусан, Билл Клинтон 2002 ва 2003 йилларда молиячи Эпштейннинг шахсий самолётида учган ва унинг Ню-Ёркдаги хонадонига ташриф буюрган.

Шунингдек, ФҚБнинг икки собиқ раҳбари — Жеймс Коми ва Роберт Мюллер, ҳамда бир нечта собиқ бош прокурорлар ҳам Эпштейн иши бўйича ёпиқ эшиклар ортида сўроқ қилиш учун чақирув қабул қилишган. Уларнинг сўроқ жараёни 18 августдан бошланиши режалаштирилган.

Америкалик молиячи Жеффри Эпштейн одам савдосида айбланган. У 2019 йилда ҳибсга олингач, қамоқхонада вафот этган.

Эпштейн иши Трамп тарафдорлари орасида бўлинишга сабаб бўлди. Президентлик сайловлари арафасида Трамп “Эпштейннинг мижозлари рўйхати”га эгалигини, бу рўйхатда демократлар ҳам бўлиши мумкинлигини айтган ва уни эълон қилишга ваъда берган эди. Бироқ 2025 йил июль ойида Трамп маъмурияти “Эпштейннинг мижозлари рўйхати” мавжуд эмаслигини маълум қилди, бу эса президентнинг айрим тарафдорларини ғазаблантирди.

• АҚШ
• Конгресс
• tergov