Бугун, 22 сентябрь куни тонгда Лондондаги “Уэмбли” стадионида катта профессионал бокс оқшоми бўлиб ўтди.

Мазкур эвентнинг асосий воқеаси супероғир вазн тоифасида юлдуз Энтони Жошуа ва Британиянинг яна бир вакили Даниэл Дюбуа ўртасида титул учун кечган жанг бўлди. Ушбу жангни жонли кузатиш учун аренага 96 минг мухлис йиғилди.

Дюбуа мазкур жангда IBF камарини собиқ жаҳон чемпионидан ҳимоя қилиши керак эди ва буни уддасидан чиқди.

Дюбуа жанг давомида Жошуани 3 марта нокдаун ҳолатига тушириб қўйди. “Эй Жей” эса рақибига айтарлик қаршилик кўрсата олмади ва 5-раундга келиб, чуқур нокаутга учради ва ўрнидан тура олмади. 

Ушбу жангдан аввал Дюбуага кўпчилик ишонмаганди, аммо у рингда кичик мўъжиза кўрсатиб, бир вақтлар дунёда тенги йўқ бўлган рақибини шунчаки янчиб ташлади.

• Бокс
• Joshua