Жорий йилнинг 9–10–11 сентябрь кунлари велоспорт мусобақаси ўтказилиши муносабати билан Тошкент вилоятининг Бўстонлиқ туманига олиб борувчи автомобиль йўллари ёпилади. Бу ҳақда вилоят Йўл ҳаракати хавфсизлиги бошқармаси хабар берди.

Маълум қилинишича, шу кунлари соат 08:00 дан 15:00 га қадар Д012 “Бектемир-Чорбоғ” автомобиль йўлининг 34-километридан бошлаб, 54-километрлари (“Оқсоқота” МФЙ, “Файз” кафеси) оралиғида транспорт воситалари ҳаракати чекланади.

Хабарга кўра, Бўстонлиқ туманига борувчи фуқаролар Чирчиқ шаҳри, ёхуд Қораманас, Қўшқўрғон маҳаллалари орқали ҳаракатланиши мумкин.

• Bo‘stonliq
• Toshkent viloyati
• Yo'llar