Бухоро вилояти ҳокимининг 24 январдаги қарорига мувофиқ, эндиликда Бухоро шаҳридаги жамоат транспортида йўлкира ҳақини тўлашда нақд пулсиз тўлов тизими жорий этилади. Ушбу тизим босқичма-босқич амалга оширилади. Биринчи босқич 2026 йил 1 февралдан:

- 2-сонли Бухоро АШБ—Ситора бозор; 

- 5-сонли Ф.Хўжаев МФЙ—Тўқимачи бош бекати;

- 10-сонли Алпомиш кўчаси—Шайхон МФЙ; 

- 17Б-сонли Чорбакр бош бекати—Аэропорт;

- 19-сонли Карвон бозори—Карвон шоппинг;

- 33-сонли Трикотаж фабрикаси—Моҳи Хоса санаторийчи;

- 1-сонли Бухоро АШБ—Зарманоқ автобус йўналишларида йўлкира ҳақини тўлашда нақд пулсиз тўлов тизими жорий этилади.

Иккинчи босқич 2026 йил 1 апрелдан қолган ҳаракатдаги мавжуд йўналишларда тўловлар фақат электрон тарзда қабул қилиниши йўлга қўйилади.

Бухоро шаҳар ҳокимлиги 1 ой муддатда шаҳардаги барча автобус бекатларини электрон чипта сотишнинг ўзига ўзи хизмат кўрсатувчи автоматлаштирилган инфокиоскларни Бухоро шаҳрида фаолият кўрсатаётган барча автобус йўналишлари ҳамда бекатларига босқичма-босқич ўрнатиш чораларини кўради.

Бухоро шаҳридаги жамоат транспортида йўлкира ҳақи бир йўловчи учун 3 минг сўмни ташкил этмоқда. АТТО орқали тўланганда 2 минг сўм бўлади.

• Бухоро
• Жамоат транспорти