Британиялик эр-хотин Ричард ва Жаклин Уорнок банк ҳисобларида 11 миллион фунт стерлинг топди. Эркакнинг ҳисобида 8,3 миллион фунт, аёлнинг ҳисобида 2,5 миллион фунт стерлинг бўлган.

Иккала ҳисоб ҳам инвестиция ва пенсия ҳисоблари эди. 56 ёшли Ричард Уорнок дастлаб хато бўлган деб ўйлаган. Турмуш ўртоғига ҳам пул ўтказилганини кўргач, пуллар уларники эканлигига ишонган. Шундан сўнг кутилмаган даромадни қаерга сарфлаш ҳақида ўйлай бошлаган. Эр-хотин ўша пайтда қандайдир компаниянинг акциялар нархи ошган деб қарор қилишган. Эркакнинг қўшимча қилишича, бу тез-тез фонд бозорида содир бўлади. Бироз вақт ўтгач, уларнинг ҳисоб рақамларидаги бундай рақамлар банк хатоси натижаси эканлиги маълум бўлган.

“Буларнинг барчаси қандай содир бўлганини ҳали ҳам билмаймиз. Банк алоқага чиқмади. Хато ҳақида молиявий маслаҳатчимиз орқали бизга хабар берилди. Ишончим комилки, бир неча соат давомида миллионерга айланган биз ёлғиз эмасмиз”, деди Уорнок.

Тез орада уларнинг ҳисобларидаги рақамлар бир хил бўлиб қолди. Худди шундай хатолик инвестиция портфелига эга бўлган кўплаб мижозларга таъсир қилди, деб ёзади “Birmingham Mail”.

• Bank karta
• Буюк Британия