Cоcа-Cола Суперлигаси қизғин паллага етиб келди. Чемпионлик учун асосий даъвогарлар – “Пахтакор”, “Навбаҳор” ва “Насаф” клублари. Уларнинг ҳар бирида сўнгги турда ғолиб бўлиш имконияти мавжуд.

ПФЛ раҳбарияти чемпионлик учун курашаётган 3 та клуб ўйинларига кубок тақдим этади. Умумий натижага кўра ғолиб бўлган жамоа мухлислари кўз ўнгда чемпионлик кубокларини боши узра кўтариш имконияти мавжуд бўлади.

“Мусобақанинг махсус чемпионлик кубоги кимга насиб қилиши маълум бўлмаса-да, даъвогар жамоалар уни ўз мухлислари кўз ўнгида кўтаришни истайди. Шундан келиб чиқиб, Ўзбекистон Профессионал футбол лигаси ҳар уч беллашув бўлиб ўтадиган стадионга кубок билан боради. Якунда ғолиб жамоа кубокни ўз мухлислари кўз ўнгида нишонлаши учун шароит яратиб берилади.

Олтин медаллар масаласида эса вазият бироз чигал. Чемпионлик учун даъвогар 2 та клуб Тошкентда тўп суриши ва нисбатан кўпроқ очко Тошкентда ўйнайдиган жамоада эканидан келиб чиқиб, олтин медаллар пойтахтда қолдирилади. Чемпионлик Наманган клубига насиб қилса, совринлар алоҳида этказиб берилади. Олтинларга Тошкентда тўп сурадиган икки клубдан бири эга чиқса, у ҳолда кубокдан олтин жамоа аъзоларига медаллар топширилади” – дейилади расмий хабарда.

Суперлиганинг 26 тур ўйинлари 12 ноябрь куни бўлиб ўтади.

• Насаф
• Навбаҳор
• Пахтакор
• Суперлига