Ўзбекистон ташқи ишлар вазири Бахтиёр Саидов бугун Фаластиннинг янги элчиси Ваилл Аҳмед Баттрехини қабул қилди. “Фаластиннинг Ўзбекистондаги янги тайинланган элчиси Ваилл Аҳмед Баттрехи жанобларининг ишонч ёрлиқлари нусхаларини қабул қилдик”, – деб ёзди Ўзбекистон ТИВ раҳбари ўзининг телеграм каналида.

Ўзбекистон-Фаластин муносабатларини икки ва кўп томонлама форматларда ривожлантириш масалаларини муҳокама қилинди. Давлатлар ўртасидаги дўстона алоқалар ва конструктив мулоқотни янада мустаҳкамлашга келишилди.

Ўзбекистон Ташқи ишлар вазирлиги элчи жанобларини Ўзбекистондаги фаолияти давомида қўллаб-қувватлашга тайёрлигини билдирди.

Маълумот учун, Ўзбекистон ва Фаластин ўртасида дипломатик муносабатлар 1994 йил 25 сентябрда ўрнатилган.

Ваилл Аҳмед Баттрехи 2023–2025 йилларда Фаластиннинг Ўзбекистондаги элчиси сифатида аккредитациядан ўтган Жавад Муҳаммад Авад ўрнини эгаллади.

• Бахтиёр Саидов
• Элчи
• Фаластин
• Ўзбекистон
• Tashqi ishlar vazirligi