Бу ҳақда Франсия президенти Эммануел Макрон Парижда Украина етакчиси Володимир Зеленский билан учрашувдан сўнг маълум қилди.

“Янги етказиб бериладиган ҳарбий ёрдам таркибига танкка қарши ракеталар, “ер-ҳаво” таснифидаги ракеталар ҳамда дронлар киради”, — дея аниқлик киритган Макрон.

Шу билан бирга, Франсия етакчиси Москва Киев томонидан таклиф қилинган 30 кунлик оташкесимни ҳеч қандай шартларсиз қабул қилиши кераклигини таъкидлаган.

“Бу таклифни рад этиш Россиянинг урушни давом эттириш ниятини кўрсатади. Россия Украинага барқарор тинчлик учун ўз шартларини қўймаслиги керак”, — дея айтиб ўтган Франсия раҳбари.

Шунингдек, Макрон бугун Франсия ва Буюк Британия томонидан Украинани қўллаб-қувватлаш учун ташкил этилаётган “истак билдирганлар коалитсияси” доирасида ҳамкорлари билан Украина уруши мавзусини муҳокама қилишини қўшимча қилди.

• Fransiya
• Макрон
• Президент
• Путин
• Россия
• Украина
• Зеленский