“Дунё” ахборот агентлигининг хабар беришича, Ўзбекистон Тикланиш ва тараққиёт жамғармаси ва Ҳиндистон Экспорт-импорт банки ўртасида онлайн музокаралар бўлиб ўтган.

Томонлар Ўзбекистон ҳукумати ва Ҳиндистон Эксимбанки ўртасидаги инфратузилма лойиҳаларини молиялаштириш учун Ҳиндистон ҳукуматининг кредит ажратишига оид ўзаро молиявий ва техник ёрдам тўғрисидаги келишувни амалга ошириш масалаларини муҳокама қилган.

Ҳиндистоннинг режаларида автомобиль йўлларини қуриш ва таъмирлаш, олий ўқув юртларида онлайн смарт-аудиторияларни ташкил этиш, аҳоли яшаш жойларида канализация тизимларини қуриш ва бошқа йўналишлар киради. Шунингдек, яқин орада режалаштирилган ишларни бошлашга келишиб олинган.

• Ҳиндистон