Ҳормуз бўғози яқинида снарядлар билан ҳужумга учраган иккита кема чўкиб кетди. Ҳодисалардан бирида экипаж аъзоларидан бири ҳалок бўлган, иккинчи кемадаги 21 нафар денгизчи эса эвакуатсия қилинган. Бу ҳақда Реутерс агентлиги хабар берди.

Маълум қилинишича, Сингапур байроғи остида сузган ГФС Приде контейнер ташувчи кемаси 13 октябрь куни Ҳормуз бўғози орқали ҳаракатланаётганда снаряд ҳужумига учраган. Кема шикастланиб, бортида ёнғин чиққан ва кейинчалик чўкиб кетган. Сингапур денгиз ва порт маъмурияти маълумотига кўра, экипажнинг 21 нафар аъзоси хавфсиз эвакуатсия қилинган, ҳеч ким жароҳатланмаган.

Антигуа ва Барбуда байроғи остида сузган Cапе Дао қуруқ юк ташувчи кемаси эса 23-сентабр куни ҳужумга учраган. БМТнинг Халқаро денгиз ташкилоти маълумотига кўра, кема 14-октябрь куни Ҳормуз бўғози яқинида чўкиб кетган. Ҳужум вақтида экипажнинг бир аъзоси ҳалок бўлган, қолганлари эвакуатсия қилинган.

Реутерс маълумотига кўра, ГФС Приде ва Cапе Дао АҚШ ва Эрон ўртасидаги уруш 28-февралда бошланганидан бери чўккан иккинчи ва учинчи кемалар бўлган. Сўнгги кунларда Ҳормуз бўғози атрофида тижорат кемаларига ҳужумлар кўпайгани қайд этилмоқда.

Ҳормуз бўғози жаҳон энергетика савдосида муҳим ўрин тутади. Урушдан олдин дунё бўйича нефт ва суюлтирилган табиий газ савдосининг қарийб бешдан бир қисми ушбу йўналиш орқали амалга оширилган. Ҳудудда кемаларга ҳужумлар кучайиши халқаро энергетика таъминоти хавфсизлиги юзасидан хавотирларни оширмоқда.