Бугун, 12 декабрдан бошлаб “Humo Air” МЧЖ авиакомпанияси Фарғона – Сўх – Фарғона йўналишида дастлабки босқичда ҳафтасига икки маротаба йўловчи ташиш учун мунтазам парвозларни амалга оширишни бошлайди.

Парвозлар ҳафтанинг душанба ва жума кунлари Фарғона – Сўх йўналишида соат 10:00да ва Сўх – Фарғона йўналишида соат 12:00да бажарилиши кўзда тутилган. Авиақатновлар АН-2 самолётларида амалга оширилади. Парвоз давомийлиги 30 дақиқани ташкил этади.

Транспорт вазирлиги эълон қилган хабарда йўловчилар авиачипталарни Фарғона, Андижон  ва Наманган аэропортлари ҳамда Сўх тумани ҳокимияти биноларида харид қилишлари мумкинлиги айтилмоқда.

• Авиақатнов
• Сўх