Ўзбекистон Маданият ва санъатни ривожлантириш жамғармаси америкалик блогер Jimmy Дональдсон, яъни МрБеастнинг Ўзбекистонга ташрифи юзасидан расмий баёнот берди. Унга кўра, ташриф дастлабдан Тошкент ва Самарқанд шаҳарларини қамраб олиши режалаштирилган бўлиб, барча тадбирлар тасдиқланган жадвал асосида ўтказилган.

Жамғарма маълум қилишича, MrBeast жамоаси билан олдиндан келишилган дастурнинг ҳеч бир банди бекор қилинмаган. Блогернинг мамлакатдан жўнаб кетиш санаси ҳам аввалдан белгиланган.

Шунингдек, тасвирга олиш гуруҳининг бошқа аъзолари режа бўйича Ўзбекистоннинг қолган шаҳарларида суратга олиш ишларини давом эттирмоқда.

Жамғарма Тошкент ва Самарқанд аҳолиси ҳамда меҳмонларига MrBeast ва унинг жамоасини илиқ кутиб олгани учун миннатдорлик билдирган. Ташрифга оид аниқ маълумотлар ташкилотнинг расмий каналларида эълон қилиб борилмоқда.