“Имом Бухорий мажмуасига келган аҳоли ва зиёратчилар хавфсизлигини таъминлаш мақсадида бу ерда замонавий интеллектуал видеокузатув тизими жорий этилди”, – дея хабар бермоқда Самарқанд вилояти ҳокимлиги матбуот хизмати.

Ички ишлар вазирлиги “Хавфсиз шаҳар” маркази, “Ўзбектелеком” акциядорлик компанияси ҳамда пудратчи ташкилотлар иштирокида ҳудуд тўлиқ ўрганилган, лойиҳа-чизмалари ишлаб чиқилиб, келишилган. Ҳозирда мажмуа ва унинг ҳудудига жами 352 та камера ўрнатилган.

Ўрнатилган камералар вилоят ИИБ тезкор бошқарув маркази ва “Хавфсиз шаҳар” платформасига интеграция қилинган.

“Ушбу чора-тадбирлар мажмуада жамоат хавфсизлигини мустаҳкамлаш, тартибни таъминлаш ҳамда ташриф буюрувчилар учун қулай ва осойишта муҳит яратишга хизмат қилади”, – дейилади хабарда.

• Имом Бухорий
• Самарқанд
• kamera