Қоҳира шаҳридаги “Ал-Вефақ” (“Дар al-Wefaq Publishing & Distribu”) нашриётида ироқлик адиб Аҳмад Жасим Зубайдининг “Маънавият – Янги Ўзбекистоннинг Зуҳро юлдузи. Ислом – инсонийлик, билим ва маърифат фалсафаси” номли китоби нашрдан чиқди.
ЎзА эълон қилган мақолада қайд этилишича, китобда Ўзбекистон Президенти Шавкат Мирзиёевнинг инсонпарварлик, маънавий ва илмий-маърифий соҳада олиб бораётган сиёсати ва глобал ташаббуслари акс эттирилган. Муаллиф бу асар оддий воқеалар солномаси эмас, балки халқаро ҳамкорлик, тинчлик ва маънавий қадриятларни мустаҳкамлашга қаратилган чуқур мушоҳадаси эканини таъкидлаган.
Аҳмад Зубайдийнинг фикрларига кўра, араб оламида Ўзбекистоннинг ички ва ташқи сиёсати катта ҳурмат билан кузатилмоқда, Марказий Осиёда қадриятлар жонланмоқда ва Шавкат Мирзиёевнинг ташаббуслари минтақа давлатлари ўртасидаги дўстлик ва ҳамкорликни мустаҳкамлашга хизмат қилмоқда.
Нашриёт бош директори Абуд Мустафа Абуднинг сўзларига кўра, китоб Яқин Шарқда содир бўлаётган можаролар фонида халқаро ҳамжамият учун долзарб аҳамият касб этади.
Китоб Ўзбекистон Халқаро Ислом академияси, Тошкентдаги Ислом цивилизацияси маркази ва Самарқанддаги Имом Бухорий халқаро илмий-тадқиқот маркази каби муассасалар фаолияти билан узвий боғлиқ бўлиб, ёшларни тарбиялаш ва маънавиятни ривожлантиришга қаратилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!