Қирғизистоннинг Жогору Кенгеш мажлисида депутат Балбак Тулобаев Иссиқкўл кўли ҳар йили қуриб бораётганини айтиб, Вазирлар Маҳкамаси раҳбаридан ушбу муаммони ҳал қилиш бўйича кўрилаётган чора-тадбирлар ҳақида сўради.

Оқилбек Жапаров мутахассислар миллий дастурни ишлаб чиқаётганини айтди.

“Иссиқкўлга Каркирадан сув келмайди, Кочкор дарёси ҳам олдин кўлга қуйиларди. Сув манбаларидан фермерлар фойдаланади. Конференцияда биз Иссиқкўлни сақлаш бўйича ўз қарашларимизни айтиб берамиз. Биз у ерга бутун дунёдан олимларни таклиф қиламиз. Биз қуруқ Орол денгизининг тақдирини такрорламаслигимиз керак” – дейди Оқилбек Жапаров.

Шунингдек, Иссиқкўлни сақлаб қолиш учун Қирғизистон қўшни давлатларга камроқ сув бериши мумкин. Оқилбек Жапаров Қозоғистон ва Ўзбекистон билан бу борада тушунтириш ишлари олиб борилаётганини маълум қилди.

• Issiq-ko‘l
• Ўзбекистон
• Қирғизистон
• Қозоғистон