Давлат хавфсизлик хизмати ходимлари томонидан Ички ишлар ва Божхона органлари билан ҳамкорликда ўтказилган тезкор-қидирув тадбирлари давомида 6 мингдан ортиқ «Регапен» номли кучли таъсир қилувчи дори воситалари ноқонуний муомаладан чиқарилди.

Хусусан, Фарғона шаҳрида яшовчи 1974 йилда туғилган фуқаронинг хонадонида сотиш мақсадида сақланаётган 3580 дона «Регапен» дори воситаси аниқланиб, ашёвий далил сифатида олинди.

Шунингдек, «Қўқон – Тошкент» йўналишида ҳаракатланаётган «Ласетти» автомашинаси текширилганда, салон қисмига яширилган 2520 дона «Регапен» дори воситаси борлиги маълум бўлди.

Ҳозирда ҳар икки ҳолат бўйича жиноят ишлари қўзғатилиб, тергов ҳаракатлари олиб борилмоқда.

Гиёҳвандлик воситалари ёки кучли таъсир қилувчи дори воситаларининг ноқонуний савдосига оид маълумотларга дуч келсангиз, ДХХнинг 1520 қисқа рақамига мурожаат қилишингиз мумкин.